Innlent

Óþekkur ökumaður handtekinn

Kona á fertugsaldri var handtekin í Kópavogi í fyrradag en sú var ekki sátt við afskipti lögreglu.

Konan var staðin að verki þar sem hún ók bíl án þess að nota bílbelti og var jafnframt að tala í síma án þess að notast við handfrjálsan búnað.

Handtakan var þó ekki tilkomin af þeim ástæðum heldur því að konan var mjög þvermóðskufull og sýndi engan vilja til að leysa málið á vettvangi.

Hún var því flutt á lögreglustöð og þar var málið klárað.

Þegar síðan lá fyrir hver konan var hélt hún sína leið eftir viðskipti sín við lögregluna.

Mest lesið


Fleiri fréttir

Sjá meira


×

Mest lesið