Þyrlan sækir slasaðan vélsleðamann

Þyrla Landhelgisgæslunnar er á leið í Glerárdal, við Kistu, til að sækja vélsleðamann sem ók fram af snjóhengju og slasaðist við fallið. Ekki er vitað hversu mikið maðurinn er slasaður en hann var á ferð með hópi vélsleðamanna.

Björgunarsveitin Súlur á Akureyri eru komnir á svæðið en þyrlan er á leiðinni, eins og áður segir. Snjóbíll mun vera til taks ef þyrlan getur ekki athafnað sig.

Beiðni um aðstoð barst um klukkan hálf fjögur í dag. Samskipti við slysstað eru erfið en verið er að reyna koma þeim í betra horf.