Dagurinn helgaður baráttu gegn einelti - stuðningssíða opnuð

Dagurinn í dag er helgaður baráttunni gegn einelti og munu fjármálaráðuneytið, mennta- og menningamálaráðuneytið og velferðarráðuneytið ásamt Reykjavíkurborg standa fyrir táknrænni athöfn í Höfða í hádeginu í tilefni dagsins.

Ráðherrar og borgarstjóri munu undirrita Þjóðarsáttmála um baráttuna gegn einelti en ennfremur mun fjöldi félaga og samtaka gerast aðilar að sáttmálanum. Steingrímur J. Sigfússon, fjármálaráðherra, mun opna vefsíðu í tengslum við verkefnið og þá verður kirkjuklukkum hringt klukkan eitt. Almenningur er hvattur til að sýna samstöðu og láta í sér heyra með bílflautum.

Nú þegar hafa 75 manns skrifað undir sáttmálann sem finna má hér.