Norræn tíska í Seattle

„Stórsigur fyrir Norræna hönnun," segir Max Dager, forstjóri Norræna hússins, sem er nú staddur í Seattle á Norræna tískutvíæringnum ásamt forystuliði norræna hönnuða . Góð þátttaka hefur verið á sýningunni og málþinginu.

Á málþingi sem haldið er samhliða sýningunni var umræða um framtíðarstefnur í þessum iðnaði áberandi. Ragna Fróðadóttir sérfræðingur um framtíðarstefnur í hönnun talaði um uppruna norrænnar hönnunar og hvernig hefðbundin fatnaður sé að ryðja sér rúms.

Norræni tískutvíæringurinn hófst í Seattle í fyrradag. Viðburðurinn er skipulagður af Norræna húsinu í Reykjavík og Nordic Heritage Museum í Seattle í samvinnu við Iceland Naturally og inniheldur meira en 60 hönnuði, listamenn, tónlistarmenn og fyrirlesara á sviði tísku.