Hugmyndasamkeppnin hófst í dag - hvað skal gera við dós?

Hin árlega hugmyndasamkeppni framhaldsskólanna, Snilldarlausnir Marel hófst í þriðja sinn í dag þegar hlutur ársins „dós“ var afhjúpaður. Úr þessum einfalda hlut eiga framhaldsskólanemendur að gera sem mest virði úr t.d. félagslegt, fjárhagslegt, umhverfislegt o.s.frv.

Hlutinn dós mega þátttakendur túlka hvernig sem þeir vilja. Hvort sem það er niðursuðudós, kókdós, skyrdós, rafmagnsdós eða eitthvað allt annað. Nota má fleiri en eina dós og eins marga aðra hluti til stuðnings og hver og einn vill. Þó verður dósin að vera í aðalhlutverki og það er hið aukna virði hennar sem telur.

Þátttakendur hafa til 17. október til að gera sem mest virði úr dósinni, taka upp á myndband og skila inn. Verðlaun eru eftirfarandi:

Snilldarlausnin 2011: 100.000 kr.

Flottasta myndbandið: 50.000 kr.

Frumlegasta hugmyndin: 50.000 kr.

Á síðasta ári var þessi einfaldi hlutur pappakassi og árið þar á undan var herðatré hluturinn sem framhaldsskólanemendur unnu með. Fjöldamargar tillögur bárust í hvort skipti og má sjá sýnishorn á heimasíðu keppninnar www.snilldarlausnir.is

Innovit, nýsköpunar- og frumkvöðlasetur (www.innovit.is) er umsjónaraðili keppninnar en Marel (www.marel.is) er aðalbakhjarl Snilldarlausna.

Auk þess er keppnin framkvæmd með stuðningi Samtaka atvinnulífsins (www.sa.is) og Mennta- og menningarmálaráðuneytisins (www.menntamalaraduneyti.is)

Framhaldsskólanemendur gera sem mest virði úr einföldum hlut, taka upp á video og senda inn

Hluturinn í ár er dós og er þátttakendum frjálst að túlka þann hlut að vild. Skila ber inn tillögum eigi síðar en 17. október. Fyrri hlutir eru herðatré og pappakassi

Allir framhaldsskólanemendur mega taka þátt og það er ókeypis