500 nýjar íbúðir fyrir ungt fólk

Borgarráð samþykkti á fundi sínum í gær að veita vilyrði fyrir stúdentagarða Félagsstofnunar stúdenta (FS) við Brautarholt 7 en þar gætu risið allt að 100 íbúðir.

Ennfremur var ákveðið að hefja viðræður við Háskólann í Reykjavík um að hefja undirbúning að byggingu stúdentagarða á svæði háskólans við Öskjuhlíð.

Skipulagsráð kanna frekari uppbyggingarmöguleika fyrir námsmannaíbúðir á tveimur svæðum í samvinnu við HÍ og FS.

Þessar þrjár samþykktir þýða að 500 nýjar námsmannaíbúðir, að lágmarki, gætu risið á næstu árum samkvæmt tilkynningu frá Reykjavíkurborg.

Inni í þeirri tölu eru 280 íbúðir sem munu rísa við svæði Vísindagarða Háskóla Íslands í Vatnsmýri. Eiga byggingarframkvæmdir við þær að hefjast nú í desember.