Guðmundur Steingrímsson mun styðja ríkisstjórnina til góðra verka eins og í Evrópumálum. Þá biðlar hann til frjálslyndra sjálfstæðismanna sem deila sömu hugsjónum.
Guðmundur átti bókaðan fund með Sigmundi Davíð Gunnlaugssyni formanni Framsóknar laust eftir ellefu en leit fyrst við á skrifstofu flokksins við Hverfisgötu til að segja sig formlega úr flokknum. Hann segist hafa fengið góð viðbrögð við ákvörðun sinni. (Hægt er að fylgjast með ferðalagi Guðmundar í myndskeiðinu með fréttinni.)
„Það loguðu allar símalínur heimilisins í gær og núna þarf ég að verja deginum í að svara ótal jákvæðum og uppbyggilegum stuðningspóstum," segir hann.
Guðmundur segist hafa fengið jákvæð viðbrögð frá fólki úr öllum flokkum, líka Sjálfstæðisflokknum. „Ég skora á sjálfstæðismenn, sem ég veit að eru frjálslyndir í hugsun og vilja opið og víðsýnt, alþjóðlega sinnað samfélag, að taka af skarið og hætta að tala sér þvert um geð."
Guðmundur hyggst styðja ríkisstjórnina í ákveðnum málaflokkum. „Ég styð það að aðildarviðræðurnar við Evrópusambandið verði kláraðar og þjóðin fái að taka afstöðu til samnings, en um það eru deildar meiningar í ríkisstjórninni. Í ríkisstjórninni eru líka deildar meiningar um lýðræðisumbætur, eins og stjórnlagaráð hefur gert tillögu um. Ég styð þær og þann arm ríkisstjórnarinnar sem vill það."
Guðmundur fundaði því næst með formanninum á skrifstofu þingflokks Framsóknarflokksins í Austurstræti og afhenti honum úrsögn sína úr flokknum bréflega. Spunameistarar nánast allra flokka fóru á fullt í gær og í dag og alls kyns sögusagnir fóru í gang um að ákvörðun Guðmundar hafi verið tekin í samráði við trúnaðarmenn í Samfylkingunni. Fréttastofa fékk m.a ábendingar um þetta sem enginn hefur hins vegar viljað kannast við. Og hefur Guðmundur neitað þessu sjálfur. Össur Skarphéðinsson og ráðgjafar hans voru nefndir til sögunnar, en Össur vísar þessu á bug.
„Ég hef ekki orðið var við nokkur samtöl af hans hálfu, við nokkurn í okkar hópi. Að minnsta kosti ekki við mig eða mitt nánasta umhverfi," segir Össur. thorbjorn@stod2.is
Biður frjálslynda sjálfstæðismenn að koma út úr skápnum
Tengdar fréttir
Guðmundur hittir Sigmund fyrir hádegi
Guðmundur Steingrímsson þingmaður hittir Sigmund Davíð Gunnlaugsson formann Framsóknarflokksins klukkan ellefu í dag þar sem hann mun segja sig formlega úr flokknum.
Flokkur Guðmundar verður "frjálslyndur valkostur á miðjunni"
Guðmundur Steingrímsson, þingmaður Framsóknarflokksins í Norðvesturkjördæmi hefur tekið ákvörðun um að yfirgefa flokkinn vegna hugmyndafræðilegs ágreinings við forystu Framsóknar. Hann hyggst stofna nýjan stjórnmálaflokk á miðju stjórnmálanna.
Evrópumál kljúfa fólk frá Framsóknarflokki
Guðmundur Steingrímsson alþingismaður segir sig úr Framsóknarflokknum í dag.
Síminn stoppar ekki hjá Guðmundi Steingríms
Undanfarin sólarhring hefur síminn ekki stoppað og pósti rignir inn. Þetta segir Guðmundur Steingrimsson, þingmaður Framsóknarflokksins, í pistli á vefsíðu sinni þar sem hann útskýrir úrsögn sína úr Framsóknarflokknum.
Guðmundur formlega genginn úr Framsóknarflokknum
Guðmundur Steingrímsson alþingismaður mætti á skrifstofu Framsóknarflokksins i dag til þess að segja sig úr flokknum. Hann ræddi við Sigmund Davíð Gunnlaugsson formann flokksins um afstöðu sína.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
