Fólk safnast saman í fjöldarhjálpastöðvum

Þegar eru komnir 30 manns í fjöldahjálpastöðina á Kirkjubæjarklaustri, segir Elín Valdimarsdóttir, einn fulltrúa Rauða krossins þar. Fjöldahjálparstöðvar voru opnaðar í grunnskólanum á Kirkjubæjarklaustri og í Grunnskólanum í Vík vegna hlaupsins í Múlakvísl og þess goss sem virðist vera hafið í Kötlu.

Guðlaug Guðmundsdóttir hjúkrunarfræðingur í Vík og sjálfboðaliði Rauða krossins er stödd í Grunnskólanum í Vík. Hún segir að fólk sé ekki enn komið þangað en þau eigi von á fólki í Víkurskóla. Ekki sé vitað ennþá hve mörgum. „Það er fólk sem er kannski á milli þessara áa sem hlaupin eru í og möglega fólk á Hótel Höfðabrekku,“ segir Guðlaug.

Guðlaug segir aðallega um að ræða ferðamenn sem muni koma í fjöldahjálparstöðvarnar fyrst um sinn.

Eins og sést á meðfylgjandi mynd sem Þórir Kjartansson tók fór vegurinn í sundur vegna hlaupsins í morgun.