Framhaldsskólakennarar semja til þriggja ára

Félags framhaldsskólakennara og samninganefnd hafa skrifað undir kjarasamning til þriggja ára. Samningurinn byggir á sömu forsendum og kjarasamningar á almennum markaði og undirritaðir voru nýverið.

Kjarasamningur kennara rann út í fyrrahaust en mikill seinagangur hefur verið í viðræðum um endurnýjun samninga. Grunnskólakennarar sömdu við ríkið nýverið og var allt eins búist við að samningar við framhaldsskólakennara myndu fylgja í kjölfarið. Upp úr slitnaði í kjaraviðræðunum fyrir viku og brást Aðalheiður Steingrímsdóttir, formaður Félags framhaldsskólakennara, illa við. Í samtali við Vísi sagði hún ljóst að það gæti haft alvarlegar afleiðingar yrðu kennarar enn samningslausir í haust.

Viðræðurnar hófust á ný eftir helgi og lauk sem fyrr segir með samkomulagi sem undirritað var í dag. Framhaldsskólakennarar greiða atkvæði um samninginn á allra næstu dögum.