Björgunarsveitir hafa sinnt meira en 200 aðstoðarbeiðnum

Björgunarsveitir Slysavarnafélagins Landsbjargar eru enn að störfum á suðvesturhorni landsins. Samkvæmt upplýsingum frá SL er enn mjög hvasst þó að mesta óveðrið virðist vera gengið niður.

Björgunarsveitamenn hafa sinnt 210 aðstoðarbeiðnum á höfuðborgarsvæðinu, um 140 á Suðurnesjum og nokkrum tugum á öðrum stöðum á landinu. Alls hafa rúmlega 200 björgunarsveitarmenn tekið þátt í aðgerðum í dag og munu þeir standa vaktina fram á kvöldið eða eins lengi og þurfa þykir.

Á meðfylgjandi mynd sem Vísir fékk senda sést hvar tré við hús á Vitastíg hefur fokið um koll.