Tryggði Haukum Íslandsmeistaratitilinn með ótrúlegri flautukörfu

Haukamaðurinn Kári Jónsson, leikmaður í 9. flokki karla, skoraði hreint út sagt ótrúelga flautukörfu og tryggði Haukum Íslandsmeistaratitilinn í 9. flokki karla árið 2011 um síðustu helgi.

Þegar aðeins fjórar sekúndur voru eftir leiddi Stjarnan úrslitaleikinn með tveimur stigum, 48-46. Haukamenn fengu innkast við miðju vallarins og Kári hljóp í átt að körfunni og skaut svo þriggja stiga skoti þremur metrum fyrir aftan þriggja stiga línuna. Og viti menn, boltinn fór ofan í og Haukar unnu leikinn 48-49.

Það var Fjölnir TV sem tók upp alla úrslitaleikina en hægt er að sjá þennan ótrúlega endi á körfuboltaleik í myndskeiðinu sem fylgir þessari frétt.

Kári Jónsson, á ekki langt að sækja körfuboltahæfileika sína, því hann er sonur Jóns Arnars Ingvarssonar, eins af bestu körfuboltamönnum Hauka og fyrrum þjálfara félagsins.

Kári var valinn besti maður leiksins.