Hvalfjarðargöngin lokuð vegna viðhalds í næstu viku

Hvalfjarðargöng verða lokuð vegna viðhalds vinnu aðfaranótt þriðjudags 5.apríl, miðvikudags 6. apríl, fimmtudags 7. apríl og föstudags 8. apríl frá klukkan 24:00 til klukkan 06:00 að morgni samkvæmt upplýsingum frá Vegagerðinni.

Hálkublettir eru á Holtavörðuheiði og mjög víða á Vesturlandi. Snjóþekja er í Svínadal.

Á Vestfjörðum er snjóþekja eða krapi á Dynjandisheiði, Steingrímsfjarðarheiði og á Þröskuldum. Annars eru hálkublettir víða á fjallvegu og á Innstrandavegi.

Á Norðurvesturlandi eru hálkublettir mjög víða en þá er hálka úr botni Hrútafjarðar í Laugarbakka. Snjóþekja á Vatnsskarði og Þverárfjalli, hálka og éljagangur á  Öxnadalsheiði.

Á Norðausturlandi eru hálkublettir og éljagangur með ströndinni en greiðfært inn til landsins.

Á Austurlandi er greiðfært fyrir utan hálkublettir á Breiðdalsheiði. Greiðfært er um Suður- og Suðausturlandi.