Lögreglan gómaði bensínþjófa á Akureyri

Lögreglumenn á eftirlitsferð um Akureyri í nótt, sáu til tveggja ungra manna og ætluðu að hafa tal af þeim. Þeir tóku hinsvegar til fótanna, en annar náðist, og auk þess tveir félagar þeirra í bíl þar skammt frá.

Kom þá í ljós að þeir voru í leiðangri til að stela bensíni af vélsleðum og voru búnir að sjúga bensín yfir á tvo brúsa, þegar þeir voru truflaðir.

Tilraunir til bensínþjófnaðar hafa færst í vöxt um allt land upp á síðkastið, samfara hækkandi bensínverði, en nú eru margir nýir og nýlegir bílar þannig úr garði gerðir að það er ekki hægt að sjúga bensín úr tönkum þeirra