700 manns fylgdust fyrsta fundi stjórnlagaráðs

Alls fyldust 700 manns með fyrsta fundi stjórnlagaráðs sem fór fram í dag. Allir fundir ráðsins verða sýndir í beinni útsetningu á netinu.

Stjórnlaganefnd afhenti fulltrúum stjórnlagaráðs hugmyndir sínar um breytingar á stjórnarskránni. Skýrsla er 700 blaðsíður og í tveimur bindum. Auk þáttar um undirbúning, framkvæmd og niðurstöður Þjóðfundar 2010 er meginefni fyrra bindis umfjöllun um helstu efnisþætti stjórnarskrár og hugmyndir um breytingar á núgildandi stjórnarskrá. Í þrettán köflum er leitast við að varpa ljósi á helstu sjónarmið og röksemdir um afmarkaða þætti.

Skýrsla stjórnlaganefndar er öllum opin á www.stjornlagarad.is og er einnig fáanleg í Bóksölu stúdenta.