Kostnaðurinn rúmar 300 milljónir

Kostnaður við samninganefnd Íslands vegna Icesave málsins nam ríflega 300 milljónum króna. Þetta kom fram í svari Steingríms J. Sigfússonar, fjármálaráðherra við fyrirspurn Sigmundar Davíðs Gunnlaugssonar.

Steingrímur sagði að ákveðið hefði verið að leita til erlends sérfræðings til að leiða samninganefndina. Það hafi legið fyrir að slík aðkeypt vinna yrði dýr. Innlendur kostnaður hefði verið hóflegur.

Hæstu greiðslurnar fóru til Donalds Johnston og lögfræðistofanna Hawkpoint og Ashurst, Cleary Gottlieb Steen & Hamilton. Sú síðarnefnda er stofa Lees Bucheits, sem fór fyrir nefndinni á síðari stigum.