Óttast að glæpagengi séu að reyna að útvega sér skotvopn

Lögreglumenn í öllum umdæmum, þar sem seld eru skotvopn í sportvöruverslunum, hafa verið beðnir um að vara seljendur við að menn, sem tengjast glæpahópum, kunni að reyna að komast yfir skotvopn í verslunum þeirra með ólöglegum hætti.  Jafnvel með vopnuðum ránum í verslununum. 

Fréttastofan hefur þetta staðfest, bæði í Reykjavík og á Akureyri, en ekki er gefið upp hvaðan þessi tilmæli koma.

Morgunblaðið greinir frá því að lögreglumenn á höfuðborgarsvæðinu hafi komið við í nokkrum slíkurm verslunum á höfuðborgarsvæðinu í gær og varað fólk við, og vaktað nokkrar verslanir úr fjarska.

Ekki hefur náðst í yfirmenn lögreglumála í morgun til að fá skýringu á tilefni þessa ótta núna.