Leita að manni á áttræðisaldri

Lögreglan á höfuðborgarsvæðinu og björgunarsveitarmenn leita nú að 77 ára gömlum manni, Oddi Val Ólafssyni. Hann er með heilabilun og er óútreiknanlegur í hegðun, að því er fram kemur í tilkynningu frá lögreglunni.

Samkvæmt lýsingu lögreglu er Oddur feitlaginn, 168-170 cm. á hæð, með gráleitt hár, skalla á toppnum og með mikið grásprengt skegg. Síðast þegar sást til Odds var hann klæddur í snjáðar bláleitar buxur, brúna skó, köflótta sokka, mosagrænan jakki, rautt vesti og skyrtu innan undir.

Síðast er vitað af ferðum hans við verslunina Brynju á Laugavegi um klukkan 16 í dag.

Þeir sem hafa orðið varir við Odd er bent á að hafa samband við lögreglu í símanúmerið 843-1106.