Georg Michael segist eiga fangelsisvist skilið

Dægurlagasöngvarinn George Michael sagði í viðtali við breska ríkisútvarpið í morgun að hann ætti fangelsisvist skilið eftir að hafa ekið undir áhrifum kannabisefna.

Söngvarinn ók Range Rover bifreið sinni inn í ljósmyndavöruverslun og var dæmdur í átta vikna fangelsi fyrir brotið.

Söngvarinn sagði jafnframt skammast sín fyrir atvikið og að hann sæti nú meðferð vegna neyslu sinnar.

Þetta er þó ekki í fyrsta sinn sem George Michael er dæmdur fyrir að aka undir áhrifum fíkniefna en árið 2007 var hann dæmdur í samfélagsþjónustu fyrir samskonar brot.