Slys sem beðið var eftir

Jarðfræðingar og aðrir sérfræðingar í Kína höfðu margsinnis varað við aurskriðum eins og þeirri sem varð yfir eittþúsund manns bana að í Gansu héraði á laugardag.

Mörghundruð manna er enn saknað og eru flestir taldir af. Árið 2006 vöruðu til dæmis vísindamenn við Lanzhou háskólann við því að hæðirnar yfir mörgum borgum í héraðinu væru orðnar mjög óstöðugar.

Jarðvegurinn væri orðinn gljúpur og þunnur eftir margra áratuga skógarhögg, námuvinnslu, stíflugerð og landruðning fyrir landbúnað.

Yfirvöld skelltu skolleyrum við þessum aðvörunum.