Starfsemi á Reykjavíkurflugvelli með eðlilegum hætti

Starfsemi á Reykjavíkurflugvelli hefur verið með eðlilegum hætti í morgun, segir Hjördís Guðmundsdóttir, upplýsingafulltrúi Flugstoða. Hún segir að Flugstoðir harmi þann tilhæfulausa hræðsluáróður sem slökkkviliðsstjóri höfuðborgarsvæðisins viðhafði í fjölmiðlum í gær þegar hann hótaði að loka Reykjavíkurflugvelli og sagði að öryggisráðstafnir flugvallarins væru ófullnægjandi.

Hjördís segir að öryggi á Reykjavíkurflugvelli uppfylli allar þær kröfur sem gerðar séu. Með yfirlýsingum sínum hafi slökkviliðsstjóri komið mörgum flugfarþegum í óþarfa óvissu.

Hjördís bendir á að Flugstoðir, sem rekstraraðili Reykjavíkurflugvallar, beri ábyrgð gagnvart Flugmálastjórn Íslands en ekki gagnvart Slökkviliði höfuðborgarsvæðisins að flugvöllurinn hafi fullnægjandi slökkvi- og björgunarþjónustu. Dagleg stjórnsýsla loftferða heyri undir Flugmálastjórn Íslands en ekki Slökkvilið höfuðborgarsvæðisins.

Lögsaga í málinusé því hjá Flugmálastjórn Íslands sem heyrir undir samgönguráðuneytið, en ekki hjá slökkviliðsstjóra höfuðborgarsvæðisins.