Minna svifryk en áætlað var

Styrkur svifryks fór aðeins yfir heilsuverndarmörk við mælistöð umhverfis- og samgöngusviðs við Grensásveg í Reykjavík í um eina og hálfa klukkustund í fyrradag en var undir mörkum í gær. Heilsuverndarmörkin eru 50 míkrógrömm á rúmmetra og hefur styrkurinn farið ellefu sinnum yfir mörkin á árinu.

Búist var við hvössum vindi síðustu tvo daga en við það hefði svifryk þeyst upp af götum borgarinnar. Lítillega rigndi síðdegis á þriðjudag og í gærmorgun og gekk spáin því ekki eftir, samkvæmt upplýsingum frá Heilbrigðiseftirlitinu. - jab