FBI í sérkennilegri deilu við Wikipedia

Bandaríska alríkislögreglan FBI er nú lent í sérkennilegri deilu við Wikipedia frjálsa alfræðiorðaritið á netinu.

FBI hefur sent stjórnendum Wikipedia bréf þar sem þess er krafist að einkennismerki eða innsigli FBI verði fjarlægt af vefsíðu Wikipedia.

Talsmaður FBI segir að það sé ólöglegt að nota þetta innsigli nema með leyfi forstjóra FBI og að slíkt leyfi hafi ekki verið gefið.

Wikipedia lætur sér þessa kröfu í léttu rúmi liggja og talsmaður þess segir að vefsíðan sé tilbúin til að ræða kröfu FBI í réttarsal ef málið fari svo langt.