Mikil ánægja með störf Hönnu Birnu

Mikil ánægja er með störf Hönnu Birnu Kristjánsdóttur borgarstjóra. Þetta kemur fram í nýrri viðhorfskönnun Capacent Gallup sem var gerð fyrir Sjálfstæðisflokkinn. Alls eru 65,5% borgarbúa frekar eða mjög ánægðir með störf Hönnu Birnu.

Könnunin var gerð 4. til 17. mars. Í úrtakinu voru 891 manns í Reykjavík, 18 ára og eldri, handahófsvaldir úr Viðhorfahópi Capacent Gallup, og var svarhlutfall 60,6%.

Samkvæmt könnuninni er 16,5% mjög ánægðir með störf Hönnu Birnu, 49% frekar ánægðir, 25,1% frekar óánægðir og 9,4% mjög óánægðir.