Býður sig fram gegn forseta ASÍ

Í framboðsræðu sinni kynnti Guðrún sig sem viðskiptafræðing og einstæða þriggja barna móður. Hennar helsta markmið er að endurvekja traust á verkalýðsforystunni.

Gylfi sagðist fagna framboði hennar og þessu tækifæri til að leggja störf sín í dóm félagsmanna.

Yfirskrift fundarins er „Stopp, hingað og ekki lengra," og er megináherslan lögð á efnahags-

og kjaramál, velferðar- og vinnumarkaðsmál og atvinnu- og umhverfismál. Unnið verður í þremur ólíkum málstofum á fundinum

sem fer fram í þjóðfundarformi.

Ingibjörg R. Guðmundsdóttir mun stíga til hliðar sem varaforseti ASÍ vegna veikinda. Þó gefur hún enn kost á sér til setu í miðstjórn.

Boðað hefur verið til svokallaðra tunnumótmæla fyrir utan Hilton-hótel klukkan tvö, þar sem fundurinn er haldinn. Um sex hundruð manns hafa á Facebook staðfest þátttöku sína.