Varað við lúmskri hálku

Veðurstofan varar við hálku víða um land þar sem vegir eru víða blautir eftir rigningu og spáð er hratt kólnandi veðri. Hálkan sem myndast getur því verið lúmsk og mikil og eru vegfarendur beðnir um að sýna sérstaka aðgát.

Á Suðurlandi eru hálkublettir á Hellisheiði og á Vesturlandi er hálka á Holtavörðuheiði og hálkublettir á Bröttubrekku, Fróðarheiði og Vatnaleið.

Þá eru hálkublettir á Vestfjörðum víðast hvar. Á Norðurlandi eru hálkublettir á Þverárfjalli og á Vatnsskarði og hálka á Öxnadalsheiði. Hálkublettir eru á Möðrudalsöræfum og hálka á Fjarðarheiði. Hálkublettir eru á Fagradal. Á Suðausturlandi eru vegir greiðfærir.