Elfur hlaut fjórða sætið

30. janúar 2010 16:08

Elfur Logadóttir, lögfræðingur, hafnaði í fjórða sæti í forvali Samfylkingarinnar í Kópavogi sem fer fram í Smáraskóla. Í fyrstu var kosið kosið á milli fimm frambjóðenda um fjóra sætið en þar sem enginn fékk meira en 50% var kosið á milli þeirra tveggja sem fengu flest atkvæði.

Mjög jafnt var á milli frambjóðenda en Elfur hafði betur og hlaut 52,9% atkvæða en Margrét Júlía Rafnsdóttir fékk 45,6%.  Aðrir seðlar voru auðir eða ógildir.

Nú fer fram kosning í fimmta sæti listans og eru sjö í kjöri.

Eins og greint var frá á fyrr í dag fengu bæjarfulltrúarnir Guðríður Arnardóttir og Hafsteinn afgerandi kosningu í fyrsta og annað sætið í forvalinu. Þá hlaut Pétur Ólafsson, þýðandi og sagnfræðingur, langflest atkvæði þegar kosið var um þriðja sætið.

Samfylkingin fékk fjóra bæjarfulltrúa kjörna í kosningunum fyrir fjórum árum. Bæjarfulltrúar í Kópavogi eru ellefu.

Tengdar fréttir

Pétur sigraði Tjörva

Pétur Ólafsson, 30 ára gamall þýðandi og sagnfræðingur, hlaut afgerandi kosningu í þriðja sætið í forvali Samfylkingarinnar í Kópavogi sem fer fram í Smáraskóla. Hann fékk 65% atkvæða, en mótframbjóðandi hans Tjörvi Dýrfjörð fékk 33,5%. Auðir seðlar og ógildir voru 1,5%. Í fyrstu var kosið á milli átta frambjóðenda um þriðja sætið.

30. janúar 2010 15:10

Guðríður fékk tæplega 90% atkvæða

Guðríður Arnardóttir, oddviti Samfylkingarinnar í Kópavogi, hlaut afgerandi kosningu í 1. sætið, 202 atkvæði eða 87,4% atkvæða í forvali flokksins sem fer nú fram í Smáraskóla. Aðrir fengu 3% atkvæða, auðir seðlar og ógildir voru tæp 10%.

30. janúar 2010 14:16

Mest lesið

Fleiri fréttir