Mikil leit að hefjast að 14 kajakræðurum við Grænland

Danska eftirlitsskipið Ejnar Mikkelsen siglir nú hraðbyri í átt að Scoresbysundi á austurströnd Grænlands þar sem 14 kajakræðara er saknað.

Grænlenskir veiðimenn við sundið björguðu sex öðrum kajakræðurum síðdegis í gær þar sem kajökum þeirra hafði hvolft við eyju í sundinu í óveðri sem skall skyndilega á. Þeim hafði svo tekist að komast á land í eyjunni.

Samkvæmt fréttum í dönskum fjölmiðlum er búið að skipuleggja víðtæka leit úr lofti í dag af þeim sem saknað er.

Ekki er reiknað með að Ejnar Mikkelsen komist á leitarsvæðið fyrr en í fyrramálið en skipið siglir í mótvindi og fremur slæmu veðri.

Ræðaranir sex sem grænlensku veiðimennirnir björguðu voru illa á sig komnir og í töluverðu áfalli enda búnir að dvelja einhvern tíma í sjónum áður en þeir komust á land. Þeir eru allir frá Þýskalandi.

Þeir voru fluttir til Reykjavíkur í gær til aðhlynningar.