Madonna opnar í Mexíkó

Tugir lögreglumanna voru utan við líkamsræktarstöð Madonnu þegar hún var opnuð í Mexíkóborg í dag. Þeir höfðu nóg að gera við að halda mörghundruð argandi aðdáendum í skefjum. Mexíkóar eru ákaflega stoltir yfir því að Madonna skyldi velja þeirra land til að opna sína fyrstu líkamsræktarstöð.

Söngkonan kvaðst hafa gert það vegna þess að hún dáðist að því hvað landsmenn væru sprækir. Hún kvaðst einnig elska menningu landsins, mat, list og arkitektúr. Ætlun Madonnu er að reisa líkamsræktarstöðvar þvers og kruss um heiminn. Þær munu bera nafnið Hard Candy. Og væntanlega skila söngkonunni einhverjum aurum.