Ekki fallist á kröfu um að fulltrúi lögreglustjóra vitni í mansalsmáli

Hæstiréttur Íslands staðfesti í dag úrskurð Héraðsdóm Reykjaness í síðustu viku um að Alda Hrönn Jóhannsdóttir, fulltrúi hjá lögreglustjóranum á Suðurnesjum, skyldi ekki bera vitni í mansalsmálinu svokallaða.

Tveir sakborningar fóru fram á að hún bæri vitni og rökstuddu kröfu sína með því að hún hefði stýrt rannsókn málsins og því væri nauðsynlegt að hún kæmi fyrir dóm til að svara spurningum um ýmsa þætti rannsóknarinnar, t.d. á hvaða forsendum hún hefði ákveðið að krefjast gæsluvarðhalds yfir öðrum manninum.

Hæstiréttur úrskurðaði að ekki væri gert nægjanlega grein fyrir því í hvaða skyni þeir vildu leiða Öldu Hrönn fyrir dóminn sem vitni og hvað það væri sem upplýsa þyrfti.

Því var kröfunni hafnað.