Gríðarlegur verðmunur á páskaeggjum

Munur á hæsta og lægsta verði á eggjum frá Nóa Síríus var oftast á bilinu 20-30% og verðmunur á Freyju páskaeggjunum var á bilinu 14% - 17%, þegar verðlagseftirlit ASÍ kannaði málið á föstudag fyrir viku. Mesti verðmunurinn í könnuninni var 50% á Síríus lakkrís 325 gramma páskaeggi sem kostaði 1189 krónur í Fjarðarkaupum en 1798 krónur í Bónus.

Nóa Síríus páskaegg nr. 4 (325 g) var ódýrast í Bónus 1.059 kr. og dýrast í Nóatúni, 1.399 kr., verðmunurinn er 32%.

Nóa Síríus Piparmyntuegg (300 g) var ódýrast í Bónus 698 kr.en dýrast í Samkaupum -Úrvali 918 kr. sem er 31% verðmunur.

Draumaegg nr. 9 (530 g) frá Freyju var ódýrast í Bónus 1.879 kr. og dýrast hjá Nóatúni 2.198 kr., verðmunurinn er 17%.

Bónus og Krónan voru oftast með lægsta verðið í könnuninni eða í 5 tilvikum af 11 hvor.

---------

Eftir að fréttin af verðkönnuninni birtist hafði framkvæmdastjóri Bónuss samband og sagði að lakkríspáskaeggið kostaði ekki 1798 krónur. Hann segir að páskaeggið kosti 1179.