Enn óvissustig vegna Eyjafjallajökuls

Almannavarnir vinna enn effir áætlunum um óvissustig á svæðinu við Eyjafjallajökul vegna mögulegs eldgoss og hefur það nú verið í gildi í tæpar þrjár vikur. Í vikunni mældust þúsundir skjálfta við jökulinn.

Á vefsíðu Veðurstofu Íslands kemur fram að stærsti skjálftinn sem mælst hefur í Eyjafjallajökli í ár varð í síðustu viku, sá mældist um þrjú stig á richter og fannst í Fljótshlíðinni.

Þá segir Sigþrúður Ármannsdóttir, landfræðingur á Veðurstofu Íslands, að verið sé að fara yfir myndir sem Landhelgisgæslan tók úr flugvél yfir svæðinu. Hún segir svæðið þó hafa verið með rólegasta móti eftir miðnætti í nótt.