Ósátt við vinnubrögð eftir slys

Fleiri en eitt dæmi eru um að láðst hafi að tilkynna foreldrum að börn þeirra hafi lent í alvarlegum slysum þegar að þau lenda á slysadeildum.

Í kvöldfréttum Stöðvar 2 á sunnudaginn var sagt frá foreldrum ungs manns sem lenti í bílsslysi á Reykjanesbraut á föstudag. Foreldrarnir eru ósáttir við að hafa fyrst heyrt af slysinu í símtali frá vini hans klukkutíma síðar og gagnrýndu að lögreglan hafi ekki tilkynnt þeim um atburðinn. Bílslysið átti sér stað á vinnusvæði við Reykjanesbraut um áttaleytið á föstudag í Keflavík. Tveir ungir menn voru í bílnum. Beita þurfti klippum til að þeim úr flaki bílsins.

Elva D. Adolfsdóttir, móðir nítján ára gamals pilts, hefur svipaða sögu að segja og foreldrarnir. Sonur hennar lenti í umferðarslysi í júní og dvaldi á spítala yfir nótt án þess að henni væri tilkynnt um það. „Mér var aldrei tilkynnt það af sjúkraflutningamanni, lögreglu eða neinu slíku," segir Elva í samtali við Vísi.