20% sjúkrarýma lokað í sumar

Sumarið 2010 verður dregið úr starfsemi Landspítala eins og mögulegt er. Á síðastliðnum árum hefur fjölmörgum legurýmum verið lokað eða breytt í dagrými. Nú eru um 691 legurými til ráðstöfunar á spítalanum auk 50 rýma á sjúkrahóteli. Í sumar verður rúmlega 20% þessara rýma lokað í áföngum á 12 vikna tímabili eða 146. Í fyrra var hlutfalið tæp 13% og 23,5% fyrir tveimur árum.

Lokanir eru mestar á hásumarleyfistímanum í júlí en þá verða lokuð tæplega 130 rými um þriggja vikna skeið.

Undirbúningur sumaráætlunar hefur staðið yfir frá áramótum og var hún samþykkt í framkvæmdastjórn í fyrradag, að fram kemur á vef Landspítlans.