Níu mánaða fangelsi fyrir þjófnað og ölvunarakstur

Hæstiréttur dæmdi í dag karlmann í níu mánaða óskilorðsbundið fangelsi fyri þjófnað og umferðarlagabrot. Héraðsdómur hafði áður dæmt manninn í níu mánuði einnig, en þá var dómurinn bundinn skilorði að fullu.

Maðurinn var sakfelldur fyrir að hafa brotist inn á skemmtistað og stolið þaðan sjö flöskum af sterku áfengi og 120 geisladiskum. Þá var hann einnig sakfelldur fyrir að hafa stolið bíl og ekið honum undir áhrifum en maðurinn var próflaus. Maðurinn hefur töluverðan sakaferil að baki og því sá Hæstiréttur ekki ástæðu til að skilorðsbinda refsinguna.