Mjótt á munum í Póllandi

Önnur umferð forsetakosninganna í Póllandi í dag. Skoðanakannanir benda til þess að mjótt sé á munum á milli þeirra tveggja frambjóðenda sem flest atkvæði fengu í fyrri umferðinni.

Alls voru átta frambjóðendur í kjöri í fyrri umferðinni en þar sem enginn þeirra fékk meira en 50% atkvæða er nú kosið á milli Jaroslaw Kaczynski og Bronislaw Komorowski en þeir fengu flest atkvæði í fyrri umferðinni. Komorowski fékk þá 41.5% og Kaczynski 36.5%.

Kaczynski er tvíburabróðir Lech Kacyniski fyrrverandi forseta sem fórst í flugslysi í Rússlandi fyrr á árinu en Komorowski er fyrrverandi forseti þingsins og hefur gegnt embætti forseta síðan Lech Kaczynski lést.

Í Póllandi gegnir forsetinn fyrst og fremst táknrænu hlutverki. Stefnumótun er fyrst og fremst í höndum forsætisráðherrans, en Donald Tusk gegnir því embætti nú, Forsetinn getur hins vegar haft áhrif á stefnu forsætisráðherrans bæði með því að leggja fram frumvörp auk þess sem hann hefur neitunarvald.