Sherlock Holmes ratleikur í Reykjavík - myndir

Í tilefni af nýjustu kvikmynd Guy Ritchie, Sherlock Holmes, efnir útvarpsstöðin FM 95.7 til ratleiks í miðbæ Reykjavíkur í dag, föstudag.

Til að taka þátt þarftu aðeins hlusta á FM 95.7 þegar útvarpsmaðurinn Kalli Lú greinir frá fyrstu vísbendingu leiksins í kringum klukkan 12:00.

Lagt er til að tveir aðilar vinni saman líkt og Sherlock Holmes og Dr. Watson gerðu í samnefndum bókum Arthur Conan Doyle.

Þeir fyrstu sem leysa hverja þraut geta átt von á vinningum við hverja endastöð en þær verða nokkrar.

Vinningarnir eru ekki af verri endanum. Þar má nefna glæsilega 3G síma frá Vodafone.

Síðan geta þeir sem hafa aldur til átt von á því að geta fullkomnað daginn með því í að eignast boðsmiða í fljótandi veigar á English Pub/enska barnum í dag.

Meðfylgjandi má sjá aðalleikara myndarinnar Jude Law, Robert Downey Jr., Rachel McAdams og leikstjórann Guy Ritchie stilla sér upp á rauða dreglinum á frumsýningu myndarinnar á Spáni í fyrradag.