Leita allra leiða vegna fjárhagsstöðu Reykjanesbæjar

Á fundi bæjarstjórnar Reykjanesbæjar í gær létu bæjarfulltrúar Samfylkingarinnar bóka að skýrt komi fram í lögum að þegar sveitarfélög geta ekki lengur staðið í skilum skuli leita aðstoðar sveitastjórnarráðuneytisins sem getur heimilað jöfnunarsjóði sveitarfélaga að veita bæjarstjóði styrk eða lán.

Bæjarfullrúar Samfylkingarinnar í bæjarfélaginu, þau Friðjón Einarsson, Guðný Kristjánsdóttir og Eysteinn Eyjólfsson beda á að ef ekki tekst að endurfjármagna rekstur Reykjanesbæjar með hefðbundnum leiðum sé ljóst að leita verði óhefðbundinna leiða.

„Öllum er ljóst að fjárhagsstaða Reykjanesbæjar er afar slæm um þessar mundir, langvarandi rekstrarhalli sveitarfélagsins kemur nú illa niður á íbúum og við því verður að bregðast. Ekki gengur lengur að kenna öðrum um okkar stöðu, við þurfum sjálf að koma okkur á réttan kjöl.

Sveitarfélagið hefur ekki staðið í skilum við sína lánadrottna og fyrirsjáanlegt er að framundan séu erfiðir tímar sem munu reyna enn frekar á þolrif bæjarsjóðs," segir í bókuninni.

Þá er tekið fram að bæjarfulltrúum öllum beri skylda til að skoða allar leiðir til úrlausnar og leita að heildstæðri lausn á fjárhagsstöðu bæjarsjóðs.