Sagður úr tengslum við fólk

Yfirlýsingar Baracks Obama Bandaríkjaforseta, um að hann hafi hreint ekkert að athuga við það að múslimar reisi sér mosku rétt hjá „Ground zero“, staðnum þar sem Tvíburaturnarnir í New York stóðu, hafa vakið hörð viðbrögð sumra hægrimanna í Bandaríkjunum.

Þannig sagði John Comryn, öldungadeildarþingmaður Repúblikanaflokksins, að Obama væri úr tengslum við almenning í Bandaríkjunum. Kjósendur muni síðan kveða upp dóm sinn í næstu þingkosningum, sem verða haldnar í nóvember. „Við þurfum öll að viðurkenna og virða þá viðkvæmni sem tengist uppbyggingunni á neðri hluta Manhattan,“ segði Obama í ræðu um þetta deilumál nú um helgina; „Ground zero er vissulega helgur staður.“

Á hinn bóginn trúi hann því, „sem borgari og sem forseti,“ að í Bandaríkjunum hafi múslimar sama rétt og aðrir til að stunda trú sína. „Og það felur í sér rétt til að byggja bænahús og félagsmiðstöð á einkalóð á neðri hluta Manhattan, í samræmi við lög og reglur staðarins.“- gb