Eldsneytisverð: Munar ellefu krónum hjá sama félaginu

Olíufélagið Skeljungur dró ti baka þriggja krónu hækkun á bensínlítranum síðdegis í gær, þegar hin félögin fylgdu félaginu ekki eftir með hækkunum. Samkvæmt athugun snemma í morgun var allt að ellefu króna mismunur á bensínverði hjá sama olíufélaginu.

Til dæmis kostar bensínlítrinn hjá Skeljungi tæpar 206 krónur í sjálfsafgreiðslu í Árúnsbrekku, en tæpar 195 krónur hjá Orkunni við Miklubraut, en Orkan er dótturfélag Skeljungs. Álíka munur er hjá Olís við Álfheima og hjá ÓB við Snorrabraut, en ÓB er dótturfélag Olíss. Hjá Atlantsolíu kostar lítrinn 195 krónur á tveimur stöðum, í Öskjuhlíð og á Sprengisandi við Bústaðaveg. Almennt verð hjá Atlantsolíu er hinsvegar 204,2 krónur.

Öll stóru olíufélögin eru annars hætt að birta tæmandi upplýsingar um eldsneytisverð á einstökum stöðvum og í landshlutum, þrátt fyrir athugasemdir Neytendasamtakanna við því.