Verðum að líta til Japans

Mikilvægt er að stjórnvöld marki leiðina úr kreppunni og móti framtíðarsýn fyrir landið, að sögn Kolbeins Björnssonar, kennara í japanskri hagsögu við Háskóla Íslands.

Kolbeinn segir mikilvægt að líta til Japans og skoða hvernig eitt öflugasta hagkerfi heims varð til þótt það byggi ekki yfir miklum auðlindum. „Í Asíu er markaðshagkerfið leitt af ríkinu, sem hefur skoðun á því hvernig atvinnulífið skal stefna,“ segir hann.

Kolbeinn bendir á að stjórnvöld í Japan hafi fyrir um þrjátíu árum ákveðið að einbeita sér að að þróun í tækni og bílaiðnaði og stutt við fyrirtæki í þeim geira. Þessu er ekki að skipta hér. Kolbeinn segir skammsýni ráða fremur ríkjum og stjórnvöld ekki hafa markað brautina. Því finnist landsmönnum sem lítið gerist.

Kolbeinn er fundarstjóri á málþingi um nýsköpun í Japan í Háskóla Íslands í hádeginu í dag. Seiichiro Yonekura, prófessor við Hitotsubashi-háskóla í Tókíó í Japan, flytur erindi. Í pallborðs­umræðum verða Katsuhiro Nats­ume, fulltrúi japanska sendiherrans, Sigurbjörg Sigurgeirsdóttir stjórnsýslufræðingur, Gylfi Zoëga, hagfræðiprófessor við Háskóla Íslands, og Davíð Lúðvíksson, forstöðumaður stefnumótunar og nýsköpunar hjá Samtökum iðnaðarins. - jab