Hæstiréttur sýknar mann af kynferðisbroti gegn 12 ára dreng

Hæstiréttur vísaði í dag frá dómi máli manns sem sakfelldur var í héraðsdómi fyrir að beita 12 ára gamlan dreng kynferðisofbeldi árið 2003. Héraðsdómur hafði dæmt manninn til vistunar á viðeigandi hæli auk þess sem honum var gert að greiða drengnum 1,5 milljónir króna í skaðabætur.

Maðurinn sem um ræðir hefur í tvo áratugi átt í verulegum alvarlegum geðrænum veikindum vegna aðsóknargeðklofa að því er fram kemur í dómnum.

Hið meinta fórnarlamb var hins vegar eina vitnið í málinu og í ljósi þess að ákærði neitaði staðfastlega ásökunum piltsins ákvað Hæstiréttur að sýkna manninn af kröfum ákæruvaldsins og vísa skaðabótakröfu drengsins frá héraðsdómi.