Veiði í Elliðavatni hefst á morgun

Stangaveiði í Elliðavatni hefst á morgun. Það er mánuði fyrr en verið hefur síðustu áratugi. Veiðimenn geta útvegað sér leyfi til veiðanna á Elliðavatnsbænum og í Kríunesi. Á sömu stöðum geta félagar í Sjálfsbjörgu, börn innan 16 ára aldurs og ellilífeyrisþegar í Reykjavík og Kópavogi fengið afhent veiðileyfi án endurgjalds, samkvæmt upplýsingum frá Orkuveitu Reykjavíkur.

Stjórn Veiðifélags Elliðavatns ákvað á dögunum að leyfa veiði í vatninu mánuði fyrr en vant er eftir að það hafði verið samþykkt í borgarráði og stjórn Orkuveitu Reykjavíkur. Reykjavíkurborg á aðild að veiðinni í gegnum jörðina Hólm og Orkuveitan er eigandi Elliðavatnsjarðarinnar.