Þúsund ganga til styrktar brjóstakrabbameini

Um þúsund manns ganga í dag, víðsvegar um landið, til styrktar rannsóknum á brjóstakrabbameini. Stefnan er tekin á að styrkja íslenska rannsóknaraðila um fimm milljónir króna á þessu ári.

Göngum saman er árleg styrktarganga en þátttakendur eru beðnir um að greiða 3000 krónur og renna göngugjöldin óskipt í styrktarsjóð félagsins. Í ár er gengið á sjö stöðum á landinu, Reykjavík, Patreksfirði, Ísafirði, Hólum í Hjaltadal, Akureyri, Reyðarfirði og Höfn. Margrét Baldursdóttir, verkefnastjóri göngunnar. Gangan hófst klukkan 11 og býst Margrét Baldursdóttir, verkefnastjóri göngunnar, við góðri þátttöku víða um land.

Hljómsveitin Orphic Oxtra leiðir göngufólk áleiðis frá Perlunni og spila þar að lokinni göngu.

Styrktarfélagið Göngum saman var stofnað árið 2007 og hefur síðan þá veitt árlega rannsóknarstyrki. Félagið hefur nú þegar úthlutað alls 12 milljónum króna til grunnrannsókna á brjóstakrabbameini.