Innlent

Áætlanir í flugi út um þúfur

Garðar Örn Úlfarsson skrifar
Farþegar reyndu að láta fara vel um sig á Reykjavíkurflugvelli á meðan þeir biðu af sér verkfall flugumferðarstjóra.
Farþegar reyndu að láta fara vel um sig á Reykjavíkurflugvelli á meðan þeir biðu af sér verkfall flugumferðarstjóra. Vísir/GVA
Talsverð röskun varð á flugi í gær vegna verkfalls flugumferðarstjóra.

Verkfallið, sem stóð í fjóra tíma frá klukkan sjö í gærmorgun, riðlaði bæði flugi hér innanlands og til og frá landinu. Þær tafir sem urðu á fluginu ollu þeim helst vanda sem hugðust ná tengiflugi í erlendum flughöfnum.

Flugstoðir ohf. og flugumferðar-stjórar ræddu saman í gær og fundur hefur verið boðaður aftur klukkan ellefu fyrir hádegi í dag.

Flugumferðarstjórar boða áfram skyndiverkföll þar til samningar nást. Næsta verkfall yrði strax í fyrramálið klukkan sjö.


Tengdar fréttir

Verkfall flugumferðarstjóra hefst

Fjögurra klukkustunda verkfall flugumferðarstjóra hefst klukkan sjö, þar sem ekki náðist samkomulag í launadeilu þeirra við Flugstoðir á löngum samningafundi í gær.

Lýsa yfir miklum áhyggjum vegna boðaðs verkfalls

Samtök ferðaþjónustunnar lýsa yfir miklum áhyggjum vegna boðaðra verkfallsaðgerða íslenskra flugumferðarstjóra. Ef verkfallsaðgerðir þessar koma til framkvæmda munu þær trufla alvarlega flug til og frá landinu með miklum skaða fyrir flugfélög og ferðaþjónustuna í heild, að mati samtakanna.

Flugumferðarstjórar boða til verkfalls

Félag íslenskra flugumferðarstjóra hefur boða til vinnustöðvunar félagsmanna sinna dagana 10. mars til 19. mars 2010, alls fimm sinnum í fjórar klukkustundir samfellt í hvert skipti. „Félagið leggur þannig áherslu á kröfur sínar í viðræðum við Samtök atvinnulífsins um nýjan kjarasamning, þar sem hvorki gengur né rekur,“ segir í tilkynningu frá félaginu.

Mest lesið


Fleiri fréttir

Sjá meira


×

Mest lesið