Þjóðfundur á Bolungarvík

Þjóðfundur er haldin í dag á Bolungarvík en þar koma saman fulltrúar íbúa á Vestfjörðum, sem valdir eru eru með tilviljanakenndu úrtaki, og fulltrúar hagsmunaaðila af svæðinu.

Rúmlega 100 manns hafa skráð sig til þátttöku á fundinum en auk almennra íbúa á vestfjörðum verður þar einnig fólk úr sveitastjórnum, atvinnulífi, launþegasamtökum, stofnunum og stjórnmálaflokkum.

Áður hefur verið haldinn fundur á Egilsstöðum með sama sniði. Markmiðið er að setja saman sóknaráætlun þar sem sérstaklega er tekið tillit til sérstöðu og styrkleika hvers svæðis fyrir sig.

Þegar þjóðfundir hafa verið haldnir um land allt verður niðurstöðum safnað saman og settar í þingsályktunartillögu.