Ole Gunnar Solskjær kemst ekki í úrvalslið útlendinga hjá United

Tímarit Manchester United gerir upp 30 ára sögu erlendra leikmanna félagsins í nýjasta tölublaði sínu og velur þar meðal annars úrvalslið útlendinga félagsins. Það hafa 62 leikmenn utan Bretlandseyja gert garðinn frægan á Old Trafford.

Norðmaðurinn Ole Gunnar Solskjær kemst ekki í ellefu manna úrvalslið útlendinga hjá Inside United þrátt fyrir að hafa skorað 91 mark í 235 leikjum fyrir félagið og unnið níu stóra titla með United. Solskjær þarf að víkja fyrir þeim Ruud van Nistelrooy og Eric Cantona sem eru í tveggja manna framlínu liðsins.

Tveir leikmenn United-liðsins í dag komast í byrjunarliðið en þar eru miðvörðurinn Nemanja Vidic og bakvörðurinn Patrice Evra. Dimitar Berbatov og Anderson eru á bekknum.

Úrvalslið útlendinga hjá Manchester United:

Markmaður:

Peter Schmeichel

Varnarmenn:

Ronny Johnsen (Noregur)

Nemanja Vidic (Serbía)

Jaap Stam (Holland)

Patrice Evra (Frakkland)

Miðjumenn:

Andrei Kanchelskis (Úkraína)

Juan Sebastian Veron (Argentína)

Arnold Muhren (Holland)

Cristiano Ronaldo (Portúgal)

Sóknarmenn:

Ruud van Nistelrooy (Holland)

Eric Cantona (Frakkland)

Varamenn:

Edwin van der Sar (Holland), Henning Berg (Noregur), Anderson (Brasilía), Jesper Olsen (Danmörk), Dwight Yorke (Trínidad og Tóbagó), Dimitar Berbatov (Bulgaría) og Ole Gunnar Solskjær (Noregur).