Máttu ekki breyta einkunn nemanda síns

Umboðsmaður Alþingis hefur úrskurðað að fjölbrautaskóla hafi verið óheimilt að breyta einkunn nemanda síns úr 5 í 4.

Nemandinn fékk einkunnina 5 í íslenskuáfangaunum ÍSL5036 á eikunnarblaði við athöfn í skólanum. Hann fór síðan á prófsýningu þar sem kennari í áfanganum tilkynnti honum að einkunnin hafi misritast. Þvi næst ritaði kennarinn einkunnina 4 á blað nemandans.

Nemandinn sætti sig ekki við þessar málalyktir og fékk lögfræðing til að kæra málið til menntamálaráðuneytis fyrir sína hönd. Ráðuneytið staðfesti hins vegar ákvörðun skólans. Kærði lögfræðingurinn því málið til Umboðsmanns Alþingis fyrir hönd skjólstæðings síns.

Umboðsmaður féllst ekki á rök menntamálaráðuneytisins og beindi þeim tilmælum til ráðuneytisins að málefni nemandans yrðu skoðuð að nýju ef ósk bærist um það.