Lifandi Tarantúlur og sporðdrekar fundust í Leifsstöð

Í síðasta mánuði lagði tollgæslan í Leifsstöð hald á þrjár lifandi kóngulær af Tarantúluætt en auk þess fundust tveir Emperial sporðdrekar í farangri hjá farþega sem átti leið um flugvöllinn.

Í tilkynningu segir að í framhaldi var gerð líkamsleit á viðkomandi og fundust þá fjórir snákar innanklæða hjá honum. Dýrin voru haldlögð og farið var með þau samdægurs til förgunar að Keldum.

Innflutningur á skriðdýrum til Íslands er bannaður. Bannið er til komið vegna alvarlegra sjúkdómstilfella í fólki af völdum salmonellasmits sem rekja má með ótvíræðum hætti til þessara gæludýra.