Ferguson: Neville ekki að hætta

Alex Ferguson segir það tóma þvælu að Phil Neville muni leggja skóna á hilluna í lok tímabilsins eins og sögusagnir hafa verið um.

Neville hefur átt við meiðsli að stríða að undanförnu en hann verður 35 ára gamall í næsta mánuði. Hann spilaði í tapleik United gegn Leeds í ensku bikarkeppninni um síðustu helgi og þótti langt frá sínu besta, eins og fleiri leikmenn United í leiknum.

„Það hefur ekki verið tekin nein ákvörðun um Gary Neville," sagði Ferguson. „Af hverju að taka ákvörðun um framtíðina hans þegar þess er ekki þörf. Maður tekur ekki slíkar ákvarðanir á miðju tímabili. Þetta er því bara tómt bull."

Þó hefur ákveðið að bjóða þeim Ryan Giggs og Paul Scholes nýja samninga og munu þeir því örugglega spila áfram með United.