Framsóknarmenn kynntu tillögur sínar um þjóðarsátt

Sigmundur Davíð Gunnlaugsson, formaður Framsóknarflokksins, og Gunnar Bragi Sveinsson, þingflokksformaður, kynntu í dag fulltrúum annarra flokka og framboða á Alþingi tillögur þingflokksins: „Þjóðarsátt 2010 samstaða um endurreisn.“

Fram kemur í fréttatilkynningu frá Framsóknarflokknum að fulltrúar flokkanna hafi þakkað fyrir framtakið og lýst sig viljuga til að kynna tillögurnar fyrir félögum sínum. „Nokkrar umræður urðu um einstök atriði tillagnanna og ljóst að ágætur flötur er á frekari viðræðum um þessar tillögur og aðrar er kunna að skapa þjóðarsátt um endurreisn," segir í tilkynningu Framsóknarflokksins.